РУСКИ КЕРЕСТУР – У просторийох Националного совиту штварток, 16. мая, отримана конститутивна схадзка Роботного цела за спорт НС.
Национални совит до Роботного цела за спорт меновал предсидателя Ивана Палуґу з Вербасу, а за членох Янка Хому з Руского Керестура, Звонка Салаґа з Дюрдьова, Владислава Папуґу зоз Бачинцох и Владимира Ивана з Нового Саду.
На схадзки, попри приприлапйованя Дїловнїка о роботи Роботного цела за спорт, одредзени и заменїк предсидателя Роботного цела – Звонко Салаґ з Дюрдьова, як и записнїчар – Владислав Папуґа з Бачинцох.
На схадзки потим було слова и о прешлих и наиходзацих активносцох Роботного цела, а розпатрени и проблем акциї збераня пенєжу за виробок бронзовей бисти Йоакима Яшу Бакова котру орґанизую КУД „Тарас Шевченко” зоз Дюрдьова и Спортске здруженє Спортских бавискох „Яша Баков”.