ШИД – У Руским доме вчера отримана промоция кнїжки „Руски фамелиї у Шидзе” автора Радована Сремца зоз Шиду.
Автор у кнїжки обробел руски фамелиї од 1803. року, кед снована грекокатолїцка парохия у Шидзе, по 1920. рок. Сремац обробел 208 руски фамелиї, їх презвиска и, як гварел, найчисленша фамелия Канюх, гоч шицки и нє родзина.
Друкованє кнїжки помогнул Покраїнски секретарият за културу, явне информованє и одношеня з вирскима заєднїцами.
Зоз венчиком руских народних шпиванкох промоцию возвелїчала старша мишана шпивацка ґрупа КПД „Дюра Киш”.