ВЕРБАС – З нагоди означованя 71-рочнїци ошлєбодзеня од фашизму у Другей шветовей войни, у Вербаше всоботу, 17. октобра отримане шесте стретнуце здруженьох и дружтвох сербско-русийского приятельства у Сербиї, у орґанизациї Општини Вербас и Здруженя „Род”.
Сход почал з кладзеньом венцох на памятнїк Площа Червеней армиї, хтори положели совитнїца у Амбасади Русиї Ирина Гнеткова, потпредсидатель Влади Войводини Мирослав Васин, предсидатель Општини Вербас др Братислав Кажич и представителє здруженьох сербско-русийского приятельства з цалей жеми, як и з Чарней Гори и Републики Сербскей.
Стретнуце предлужене з розгварку у Велькей сали Скупштини општини, дзе госцох привитал предсидатель Општини др Кажич, а потим у Ґимназиї „Жарко Зренянин” отримана шветочна програма и подзелєни припознаня и подзекованя.
Соботову програму збогацели и Танита Ходак и Валентина Югас з Коцура, котри з тей нагоди шпивали пригодни русийски шпиванки.
