ДЮРДЬОВ – Заняти у Явним комуналним подриємстве „Чистота” зоз Жаблю, од початку юлия, скланяли глїну коло банкинох на општинских драгох же би ше лєгчєйше и лєпше одцекала атмосферска вода, пре котру найчастейше настваю дзири на асфалту, соопщене зоз спомнутого подприємства.
На вецей местох у населєних местох у општни викопани ярки, як би одцекала вода з калдерми. Медзитим, голєм валалчанє у Дюрдьове можу видзиц же драги у валалє барз дирґаци, розтрушую ше, барз су нє ровни и на нїх єст барз вельо дзири, а часто су глїбоки и вецей як 5 центирметри, та лєгко мож очкодовац колєса и ґуми и на авту и на бициґли.
О општинских главних и побочних драгох од 2011. року ше стара ЯКП „Чистота” зоз Жаблю понеже пред тим загашене ЯКП „Розвой”, котре ше, по думаню валалчанох лєпше старало о драгох, бо нїґда по тераз драги нє були таки попукани и нє було тельо вельо дзири на нїх.