РУСКИ КЕРЕСТУР– Искуство Дарка Афичового зоз Руского Керестура на стретнуцу Слово живота за младих, котре отримане всоботу, 3. октобра у просторийох Каритасу, каждому од штерацец присутних особох, углавним младих, дало нагоду за роздумованє.
На тим стретнуцу млади преглїбйовали виреченє зоз Старого Завиту – Кнїжка о Йову, 11 поглавє од 13-20 стих Євангелиї, котре мало важну улогу у духовним обраценю и ришованю за Дарка окремней ситуациї у його младим живоце, ситуациї у котрей ше нєшка находза и велї други.
Тоту ситуацию, з помоцу своїх приятельох, Дарко ришел по Святим Писму и праве тото подзелєл зоз присутнима на стретнуцу, котри попри його шведоченя могли чуц и шпиванки котри сам виводзел зоз провадзеньом на ґитари.