РУТЕНПРЕС – Як то узвичаєне кажди рок през лєто, пре рочни одпочивки, Рутенпрес од нєшка, та по 2. септембер, преходзи на лєтню шему роботи, цо значи же информациї нє будзе обявйовац каждодньово, алє лєм периодично.
Рутенпрес будзе давац наяви и звити з найзначнєйших збуваньох, манифестацийох и фестивалох у нашей заєднїци през лєто (з даєдних и фотоґалериї), як цо то Младежска акция „Дай и ти свою руку” у Коцуре и Подобова колония „Стретнуце у Боднарова” у Ґосподїнцох, хтори буду идуцого викенду; Подобова колония у Шидзе (од 6. по 8. авґуст); „Днї керестурскей паприґи” у Руским Керестуре (15. и 16. авґуста); Фестивал ”Най ше нє забудзе” у Дюрдьове (як наявене, 23. авґуста), та Волонтертски камп у Керестуре (у другей половки авґуста).
Тиж так, буду обявйовани и можлїви нєпредвидзени, а важни збуваня за руску заєднїцу и у наших местох.
Редакция Рутенпресу дзекує читачом на дотерашнїм довирию и модлї их за порозуменє пре тоту павзу у каждодньовей роботи.