Предликвидациї зопрец з явно-приватним партнерством

автор сен
726 Опатрене

СЕРБИЯ – Законченє приватизациї подприємствох з предликвидацию значи и же велї роботнїки останю без роботи. Праве прето Союз самостойних синдикатох Сербиї (СССС) того тижня винєсол предкладанє же би ше предликвидацию дзепоєдних подприємствох зопарло з явно-приватним партнерством.

По словох представительох Синдикатох, єст подприємства хтори би могли буц профитабилни кед би ше им обезпечело квалитетни менаджмент, реорґанизацию и докапитализацию. Слово о подприємствох хтори ше занїмаю з оправяньом локомотивох, желєзнїцких и цагацих конструкцийох, будовательством и подприємствох з прерабяцкей индустриї.

– Одпущованє роботнїкох, та гоч и з применьованьом социялних програмох, нє одвитуюца мира з хтору би ше ришело питанє велькей нєзанятосци у Сербиї, хтора медзи найвекшима у реґионє, та и Европи – наводзи ше у сообщеню Союзу самостойних синдикатох Сербиї.

ПОВЯЗАНИ ТЕКСТИ