БАЧИНЦИ – Церква и вирни всоботу, на швето Святого апостола и євангелисти Луки, преславели храмове швето Кирбай зоз Шветочну кирбайску Службу Божу.
Богослуженє предводзел о. Юлиян Рац, протоєрей ставрофор и парох з Нового Саду у сослуженю о. Владислава Варґу, парохом зоз Сримскей Митровици, о. Владимира Еделинския Миколки, парохом з Беркасова, домашнього пароха о. Дарка Раца, як и паноца зоз Селенчи о. Доминика Ралбовского и монахом Алойзия Павловича зоз Заклопачи при Беоґраду.
У казанї о. Юлиян Рац визначел значносц апостола и євангелисти Луки за церкву и додал же вон бул приятель зоз апостолом Павлом и научовал и ширел Христову виру по швеце и предлужел научовац и после шмерци апостола Павла.
После Служби Божей бул традицийни обход коло церкви зоз читаньом Євангелийох и на концу одшпиване Многолїствиє.
Пре пандемию вируса корона у церкви було менєй паноцох и вирних як потераз.
