Приоритет злєпшац квалитет живота пензионерох

автор сен     
963 Опатрене

РУСКИ КЕРЕСТУР – На вчерайшей Рочней скупштини Здруженя пензионерох Руского Керестура прилапени Звит о роботи и финансийни звит за 2015. рок, та наявени активносци за 2016. рок.

Предсидатель Здруженя Ярослав Малацко гварел же и того року заплановане орґанизовац дружтвени живот членох, социялно-гуманитарни активносци, а за пензионерох окреме значни одходи на регабилитацию до купельох, та туньша набавка огриви и одредзених поживових продуктох, цо можу одплацовац и на рати.

5-Penzionere-02

Скупштина Здруженя пензионерох прилапела финансийни план за 2016. рок, по хторим приходи предвидзени на 331 004 динари. Того року плановане уложиц и до просторийох Дому пензионерох – покласц ПВЦ облаки и увесц етажне зогриванє, гварел Малацко.

5-Penzionere-03

Понеже дотерашнї секретар Здруженя Яким Орос дал задзекованє, Здруженє пошвидко найдзе одвитуюцу особу за окончованє тей длужносци.

Вчера вибрани и нови Надпатраюци одбор (НО) Здруженя пензионерох, у хторим  Мелания Пастернак, Мелания Бодянец, а предсидатель НО будзе Владимир Югик.

5-Penzionere-04

ПОВЯЗАНИ ТЕКСТИ