СУБОТИЦА – Вчера у Суботици, у Владическей резиденциї Авґустианум, отримана роботна схадзка делеґатох за пасторал младих при Владическей конференциї св. Кирила и Методия, на хторей присуствовалки и представителє нашого Апостолского еґзархату. Зоз схадзку предшедовал надвладика беоґрадски Станислав Хочевар.
Бешедоване о шветовим стретнуцу младих з папом Франциском, хторе од 23. юлия по 1. авґуст того року будзе у Кракове, у Польскей, а на хторе поволани млади з владичествох возросту од першей класи штреднєй школи, студенти и други млади.
На спомнутей схадзки у Суботици присуствовали представителє беоґрадского надвладичества, сримского и суботицкого владичества, а спред Апостолского еґзархату за грекокатолїкох у Сербиї на роботней схадзки були о. Михайло Малацко и Иван Гарди.
Вецей о будуцим стретнуцу младих з папом Франциском у Кракове мож дознац на веб-сайту www.krakow2016.com