ШВЕТ – Шлїдуюци два роки годни буц найцеплєйши у историї планети Жеми, твердза фаховци з Британского националного гидрометеоролоґийного заводу, а преноша и нашо аґенциї.
Науковци наводза же тогорочни температури за 0,68 ступнї висши од штреднїх температурох од 1961. по 1990. рок. На температуру уплївую пременки у природи, алє таки високи температури ше приписує чловековому дїйству, пре котрого и настал ефект „склєняней загради“.
Климатолоґи гваря же 2014, 2015. и 2016. роки рекордних температурох, а на ґлобалну хвилю тераз дїйствує габа „Ел Ниньо“, хтора кажди пейц роки на сушни подруча приноши диждж, а сушу на местох дзе звичайно дижджовно.
Виглєдованя указую же приходзи наймоцнєйши „Ел Ниньо“, хтори ище баржей зогреє планету. Медзитим, наявене и же лєта у Европи буду дакус жимнєйши у одношеню на остаток Жеми.