ШИД – З пригодну програму Еколоґийного руху, вчера на Площи култури у Шидзе означени 22. април, Дзень планети Жеми.
На манифестациї участвовали дзеци з дзецинскей заградки, школяре основних и штреднїх школох, Здруженє пензионерох, дружтвени орґанизациї у городзе, а наступела и Шпивацка ґрупа Културно-просвитного дружтва „Дюра Киш” з двома шпиванками по руски и єдну по сербски.
Програму отворел началнїк Општинскей управи Ромко Папуґа, котри шицких привитал у мено локалней самоуправи, а предсидателька Еколоґийного руху Александра Недич наглашела же мушиме зачувац нашу планету.
