НОВИ САД – У Музею Войводини нєшка, 23. децембра, будзе отворена 9. Рочна вистава фоторепортерох Нового Саду и Войводини з назву „Обєктивно”, а селектор тогорочней вистави Слободан Шушнєвич од 500 приявених роботох вибрал 86 фотоґрафиї од 41 автора, медзи котрима и фоторепортека НВУ „Руске слово” Вероника Вуячич.
Традицийну виставу фоторепортерох отвори покраїнска секретарка за културу, явне информованє и одношеня з вирскима заєднїцами Драґана Милошевич.
Медзи велїма познатима авторами виложени и фотоґрафиї Андрея Папа, Чили Давид, Александра Камасия, Николини Осмич и других.