ОСИЄК – Всоботу, 19. марца, у орґанизациї Городу Осиєк отримана традицийна манифестация „Писанки у фарбох городу”, хтору ше уж роки отримує всоботу пред Квитну нєдзелю, а наявює приход яри и Велькей ноци.
На 90 штандох на цалей площи у центре городу свойо роботи викладали 56 рижни здруженя, медзи нїма и КУД Руснацох з Осиєку, хторе представело велькопосни и вельконоцни єдла и писанки.
Источашнє, на бини наступали 12 културно-уметнїцки дружтва, а КУД Руснацох Осиєк представял подросток КУД „Осиф Костелник” з Вуковару и на централней бини три дзецински шпиванки одшпивали Клара и Кристиян Миклошово, з провадзеньом оркестру вуковарского КУД.
После успишнного наступу, Представителька рускей националней меншини Осиєцко-бараньскей жупаниї Агнетка Балатинац почасцела дзеци з Вуковару.
Вецей фотоґрафиї з того збуваня мож опатриц на Фейсбуку rusini.hr