СВМ: Будучносц Войводини нєзадумуюца без Союзу войводянских Мадярох

автор  ртв
727 Опатрене

БЕОҐРАД – З нагоди нєпорозуменьох у владаюцей войводянскей коалициї, Союз войводянских Мадярох (СВМ) сообщел вчера же будучносц Войводини „нєзадумуюца” без тей странки.

У сообщеню ше наводзи же СВМ нєзаменююца и як меншинска странка, хтора заступа интереси Мадярох у Войводини и як єдна з реґионалних странкох з найзначнєйшу потримовку виберачох.

Пре тото Предсидательство СВМ овласцело и обовязало прегваряцку делеґацию странки же би, пре витворйованє интересох Мадярох у Войводини, у предлуженю прегваркох „нє одступела од здобутих позицийох”.

Додава ше же ше СВМ на шицких политичних уровньох заклада за програму обезпечованя роботи ускладзену з националним составом жительства и „нє прилапює реторику хтора суґерує же Мадяром право на ровноправносц при обезпечованю роботи припада лєм кед ше роби, на приклад, о приманю на роботу портира”.

СВМ оценєл же „настати дефицит порозуменя” мож розришиц лєм так же владаюци странки у Войводини вихасную диялоґ за „творенє чистей ситуациї и же политичному партнерству враца нєобходне значенє хторе страцене у прешлим периодзе”.

 

ПОВЯЗАНИ ТЕКСТИ