НОВИ САД – У рамикох кандидатури Нового Саду за Младежску престолнїцу Европи 2019. року, на Площи шлєбоди вчера отримана манифестация „OPENS DAY 2016“, на хторей були орґанизовани змисти за младих, як цо то представянє младежских орґанизацийох, мини-биоскоп, „Fun зона“ итд.
– З атрактивнима змистами жадаме прицагнуц цо вецей Новосадянох, котри ше през апликациї, квизи, филми и друженя з познатима согражданами баржей упознаю з кандидованьом – гварел координатор Инициятиви ОПЕНС Вукашин Ґрозданович
Младежска престолнїца Европи то титула хтору ше даєдному городу додзелє на єден рок. За тот час вон през рижни програми ма приказац свой културни, дружтвени, политични и економски живот и розвойни програми за младих. Нови Сад и влонї вошол до финалу, а 16. новембра ше будзе знац чи достанє титулу за Европску престолнїцу младих 2019. року.
Городоначалнїк Нового Саду Милош Вучевич нєшка у Городскей хижи приме представительох националних совитох за младих з 15 державох Юговосточней Европи, котри у Новим Садзе праве у рамикох процесу його кандидованя за Младежску престолнїцу Европи.