ШИД – Социялдемократска странка (СДС) У Шидзе означела першу рочнїцу постояня и роботи з пригодним коктелом, хтори отримани у Руским доме.
Предсидатель Инициятивного одбору СДС Желько Брестовачки гварел же циль странки омасовиц членство и порихтац ше за локални виберанки, хтори буду отримани на яр 2016. року.
Одборнїца у СО Шид и бувша предсидателька Општини Наташа Цвєткович з тей нагоди гварела же ше СДС будзе намагац до своїх шорох уключиц цо вецей, насампредз младих, и особи котри дотераз нє були политично анґажовани, а жадаю допринєсц пременком у тим штредку.
Окрем членох тей странки зоз Шиду и сушедних местох, на шветочносци були представителє Лиґи социялдемократох Войводини и Вєдно за Сербию.
