ВЕРБАС – Покраїнски секретар за науку и технолоґийни розвой Владимир Павлов 27. априла подписал и придал ришеня представительом 32-ох войводянских општинох хтори конкуровали за додзельованє пенєжних средствох за реґресованє транспорту студентом у тим року.
Медзи нїма и Општина Вербас, хтора спрам контракту достала 5,4 милиони динари, а контракт подписал предсидатель Општини др Братислав Кажич.
За тоту намену Влада Войводини, прейґ ресорного Секретерияту, општином вєдно обезпечела 40 милиони динари, а слово о барз добрих студентох, зоз штредню оцену прейґ 8,5.
Средства безпечени за превоз 3 159 студентох котри каждодньово путую з места биваня по установи дзе ше школую.