СРИМСКИ КАРЛОВЦИ – Скупштина Сербиї пошвидко будзе розправяц о предлогу Влади Сербиї же би городски центер Сримских Карловцох бул преглашени за културни скарб од винїмкового значеня. З тим буду зачувани коло 1 200 обєкти, хтори вибудовани од 18. вику.
Сримски Карловци од скорей познати як историйни город, лєбо город-музей, а од 1949. року його обєкти под рижнима формами защити. Кед центер городу постанє културни скарб, то будзе єдинствене у Сербиї, а чолнїки Општини наглашую же би преглашенє нє остало лєм слово на паперу.
– Наисце нам нєобходна защита ширшей заєднїци – Покраїни и Републики, понеже ми єдна з найменших локалних самоуправох, зоз скромним буджетом, а кед старанє о цалосним скарбу будзе завишиц лєм од нас, то нє будзе добре – гварел заменїк предсидателя Општини Райко Маринкович.
Одлука о преглашованю центру Сримских Карловцох за културни скарб будзе подрозумйовац и обнавянє обєктох и вименки законох о планованю и вибудови, хтори оможлївя єдноставнєйшу и туньшу процедуру за роботи на обєктох и парцелох.