Сухе зарно, и просеково урожаї

автор тах
1.3k Опатрене

Дзекуюци вигодней хвилї, слунечнїки швидко дозрели и стредком авґуста дочекали свойо перши одкоси, а просекови урожай два тони по гольту. Парасти нє задовольни зоз цену, а три одкупни места понукаю 30 динари по кили слунечнїку, з урахованим ПДВ, з тим же то лєм авансна цена.

Тераз кед уж косидба слунечнїку у коцурским хотаре лєм цо нє закончена, мож видзиц як ше тота култура указала у сезони хтора уж помали за нами – урожаї таки яки су одприлики и очековани. На тих просторох того року єст досц слунечнїку, можебуц нєзначно вецей як влонї, з оглядом же ше парасти, попри нєзаобиходней кукурици и за тоту културу одлучую, вше частейше керуюци жито.

Гоч ше плановало же косидба будзе тирвац голєм до половки септембра, слунечнїки якошик одразу дозрели и шицки поверхносци були порихтани за косидбу. Як дознаваме зоз одкупних местох, тото мушела спричинїц даяка хорота, бо цалком нєзвичайне же слунечнїки так швидко дозрею, и же маю таку абнормално нїзку влагу, яку було видно на тогорочним одкупу у валалє.

ЗРОДЗЕЛО ПОДОБНО ЯК ВЛОНЇ

Попри спомнутих причинох хтори уплївовали на квалитет зарна, од парастох и зоз одкупних местох дознаваме же косидба слунечнїку того року принєсла просеково урожаї два тони по гольту.

– Я кошел слунечнїк у хотаре, та сом обачел же урожаї були дакус менши як звичайно, алє нє вельо, поведзме дас 10-15 одсто менши як прешлих рокох. У векшини случайох обезпечени шицки аґротехнїчни мири, штучни гной ше руцело, садзенє, паранє, пирсканє поробене, а мал сом седем гольти под слунечнїком – бешедує параст Владимир Тимко.

Медзитим, єст и подлєйши урожаї, на поверхносцох дзе слунечнїки повалял витор, хтори и влонї правел чкоди по хотаре, як и на поверхносцох хтори залапела даяка хорота, о чим шведочи коцурски параст Янко Ґайдош.

– Мал сом коло 20 гольти слунечнїку того року. Подруцели даєдни гибриди за хтори сом ше нє наздавал. Запровадзена шицка аґротехнїка, окрем защити од хороти, алє випатра же и то будзем мушиц робиц, бо було досц охорени калапи, од пламенячи, лєбо уж даякей другей хороти хтору могло видзиц и на стеблу. Вельо ше прето розтресало, зарно нє мало гектолитерску чежину, а и урожай прето бул менши, коло 20 метери по гольту – гвари Янко.

НЄЗАОБИХОДНА ОПЦИЯ

Кед у питаню цена, шицки три одкупни места понукаю 30 динари по кили слунечнїку, зоз урахованим ПДВ, и то лєм авансна цена, а конєчна будзе позната док ше увидзи же за яку цену ше одлуча олєярнї хтори слунечнїк буду далєй одкупйовац и прерабяц. Кеди то будзе нїхто нє зна, як цо ше нє зна и прецо ше на цену так длуго муши чекац, кед цена олєю од скорей формована. Можлїве же то будзе до початку октобра, а и же ше розцагнє до половки того мешаца.

Вшелїяк, парасти зоз цену нє задовольни, и оглядаюци ше на прешли роки, коментарую же ше ю з рока на рок зменшує, а укладаня оставаю исти.

– Влонї зме достали 45 динари, тераз є 30, а 15 динари по кили менєй у кишенки, то 40 одсто туньши слунечнїк як влонї. Ище кед будзе даяка доплаТераз кед уж косидба слунечнїку у коцурским хотаре лєм цо нє закончена, мож видзиц як ше тота култура указала у сезони хтора уж помали за нами – урожаї таки яки су одприлики и очековани. На тих просторох того року єст досц слунечнїку, можебуц нєзначно вецей як влонї, з оглядом же ше парасти, попри нєзаобиходней кукурици и за тоту културу одлучую, вше частейше керуюци жито.

Гоч ше плановало же косидба будзе тирвац голєм до половки септембра, слунечнїки якошик одразу дозрели и шицки поверхносци були порихтани за косидбу. Як дознаваме зоз одкупних местох, тото мушела спричинїц даяка хорота, бо цалком нєзвичайне же слунечнїки так швидко дозрею, и же маю таку абнормално нїзку влагу, яку було видно на тогорочним одкупу у валалє.

ОДКУП

Слунечнїк ше того року одкупйовало у роботней єдинки „Либела продукт” зоз Змаєва, землєдїлскей задруґи „Класка” и маґацину подприємства „Фарм кооп” зоз Србобрану, зоз найвецей 9 одсто влаги и 2 одсто нєчистоти. Гоч косидбу претарговали и дижджи, нє ридко одкупйовани слунечнїк мал менєй як 9 одсто влаги, та аж и менєй як 5 одсто влаги, цо окреме мало.

DSC_0243

ПОВЯЗАНИ ТЕКСТИ