РУСКИ КЕРЕСТУР – У Предшколскей установи „Бамби” у Руским Керестуре на пияток, 20. децембра, Емил Няради спред Руского народного театру „Петро Ризнич Дядя”, виприповеда першу з омнибуса сказкох за дзеци „Вандровкаш”.
Тото виводзенє, хторе будзе и зняте, свойофайтови дарунок РНТ наймладшим за наиходзаци швета.
Авторка першей сказки „Рибар и принцеза” у проєкту „Вандровкаш” Ирина Гарди Ковачевич, а адаптацию и режию поробел Владимир Надь Ачим. Тот наступ би требал буц початок вецейрочного проєкту з хторим РНТ ма намиру през тот проєкт зоз заєднїцку назву „Вандровкаш” афирмовац творчосц за дзеци на руским язику, приблїжиц руски язик наймладшим ґенерацийом и збогациц наставу пестованя руского язика и пробовац прешириц число тих хтори ю нащивюю. У плани и нащиви шицким местом дзе ше на даяки способ орґанизовано збераю дзеци хтори уча руски язик, цо насампредз будзе завишиц од средствох з хторима РНТ будзе розполагац.