КОЦУР – У просторийох Младежского здруженя КУМ, у Коцуре нєшка на 17,30 годзин перше почнє роботню о борби процив сайбер-насилства, на хторей зоз школярами висших класох ОШ „Братство єдинство” и другима заинтересованима буду робиц волонтерки „Балкан Идеи” Соня и Аня Гудаково, а потим будзе музично-литературна програма.
Друга часц програми почнє на 18,30 годзин, на хторей будзе отримана промоция младежскей радио-емисиї по руски РТВ „Останьце нашмеяни” з Двома Санями, свою музику и поезию представя Иґор Пушкаш, Танита Ходак и Михаил Рамач, док Синиша Мали и Стеван Самочета присутних упознаю з проєктами до хторих ше можу уключиц млади Коцурци.