РУСКИ КЕРЕСТУР – З Општинского Червеного крижу вчера до просторийох Месней заєднїци Руски Керестур сцигли пакети з гуманитарну помоцу за социялно загрожени фамелиї, односно особи у тим месце.
Пакети помоци, у хторих векшином поживово и други артикли, обезпечела Покраїнска влада, а розподзелює ше их прейґ Червеного крижу.
До Руского Керестура сцигли 69 пакети наменєни особом котри доставаю социялну помоц и вони их у просторийох Месней заєднїци (у спортскей гали) можу превжац кажди роботни дзень у роботним чаше.