РУСКИ КЕРЕСТУР – Наютре на 10 годзин у Месней заєднїци Руски Керестур Каритас деканату Нови Сад отрима тренинґ у рамикох проєкта Зменшованє ризику од елементарних нєпогодох.
Програма под назву Би реди (Be Ready) подрозумює тренинґи на котрих представнїки локалней самоуправи, цивилней защити, институцийох и установох (комунални подприємства, школи, здравствени установи, полиция…), орґанизациї цивилного дружтва (добродзечни огньогасни дружтва, здруженя…) и шицки заинтересовани гражданє маю нагоду пририхтац ше и превентивно дїйствовац же би ше зменшало неґативни пошлїдки евентуалней елементарней нєпогоди.
Тренинґ орґанизує Каритас вєдно зоз МЗ Руски Керестур, о будзе го водзиц експерт цивилней защити вєдно зоз каритасовима сотруднїками.