НОВИ САД – У тогорочним штерацец другим числу новинох „Руске слово” на бокох „Тижньовнїка” мож пречитац о округлим столу у Новим Садзе о уводзеню интеркултуралносци до образовней системи и звит зоз сходу о толеранциї у медийох у Новей Вароши.
У рубрики „Нашо места”, окрем актуалних подїйох, спатрене и цо приноши Закон о безплатней правней помоци и хто ю може хасновац.
О продукциї млєка у фамелиї Миятович у Привиней Ґлави, ламачки у керестурским хотаре, як и о стану у туризме у жабельскей општини пише „Економия”.
„Култура и просвита”, медзи иншим, зазначела Фестивал науки у керестурскей Школи и початок виучованя руского язика як виборного предмету у сримских школох.
У рубрики „Людзе, роки, живот” розгварка з маляром Владимиром Дороґхазийом, а ту и нове предлуженє фельтону „Привредни живот Руснацох” автора Мирона Жироша.
„Духовни живот” пише як преславени Кирбай у Старим Вербаше, а ту и звит зоз паломнїцтва новосадских парохиянох до Суботици.
На бокох спортскей рубрики зазначени резултати у першенствених лиґох наших рукометних и фодбалских клубох, а представени и дакедишнї фодбалер Никола Иванов зоз Ґосподїнцох.
Додаток у тим чишлє „Дом и фамелия” пошвецени старим особом, ту и нове предлуженє „Женоблоґиї”, а на концу новинох рубрика з рецептами „Горуци тепши”.