НОВИ САД – У першим тогорочним чишлє новинох „Руске слово”, котре вишло як двочисло, у шицких рубрикох дати прегляд найважнєйших подїйох у рускей заєднїци у прешлим року.
„Тижньовнїк”, окрем того, пише и о Акцийним плану за борбу процив насилства у новосадских школох, а „Нашо места”, окрем висткох о роботи скупштинох општинох Кула и Шид, информує о дочеку Нового року.
„Духовни живот” зазначел як преславене швето Рождества Исуса Христа по наших парохийох цо ше ровнаю по юлиянским календаре, а „Култура и просвита” пише о крачунских концертох у Дюрдьове и Коцуре и о вистави малюнкох у Ґосподїнцох.
„Економия” дава звит зоз Рочней скупштини майстрох у Руским Керестуре, док на бокох рубрики „Людзе, роки, живот” представена Макайова фамелия з Керестура и малженска пара Стояновичових з Коцура.
На „Спорту” пише о роботи Фодбалского клубу „Русин”.