ВЕРБАС – Всоботу, 16. априла, у КПД „Карпати” у Вербаше отримана Вельконоцна роботня на хторей прейґ 40-еро дзеци предшколского, основношколского и штредньошколского возросту фарбели писанки.
На роботнї участвовали дзеци котри ходза на пестованє руского и українского язика у вербаских школох, потим на виронауку, як и члени секцийох КПД. Роботню водзели учительки Славица Мали и Оля Станков.
Витворенє того проєкту КПД „Карпати” помогло Роботне цело за младеж Националного совиту Руснацох, а на нїм школяром представени и вельконоцни обичаї и символи, о чим бешедовал парох у старовербаскей парохиї о. Алексий Гудак.