КУЛА/ВЕРБАС/ЖАБЕЛЬ – Представителє Министерства младежи и спорту концом прешлого тижня у Беоґрадзе подписали контракти з представителями 35 општинох и городох у Сербиї, чийо проєкти одобрени у рамикох конкурсу за потримовку младежскей политики на локалним уровню. Медзи општинами хторим одобрени средства и кулска, вербаска и жабельска општина.
За проєкт „Опреманє простору за роботу Младежского клубу” Општина Кула достала 376 100 динари, Општини Вербас, односно Канцелариї за младих 140 000 динари за опреманє простору и злєпшованє условийох роботи, док Општина Жабель достанє 600 000 динари за проєкт „Партиципация и активизем младих”. Проєкт подрозумює едукациї младих з обласци защити животного штредку, роботню за писанє роботней биоґрафиї, едукативни камп, спортски турнири и друге.
За шицки проєкти младих Министерство видвоєло 41 милион динари, а половка тей суми наменєна за проєкти находзеня роботи младим и за стимулацию младежского поднїмательства.