НОВИ САД – Конференция з назву „Форум младих лидерох реґиону“ будзе отримана у Новим Садзе од 25. по 28. марец. Коло 200 млади зоз Сербиї и сушедних жемох буду обрабяц теми з реґиналного сотруднїцтва и процесу европских интеґрацийох, култури и явного информованя, та о економиї будучносци.
Доприношенє реґионалному сотруднїцтву младих зоз Сербиї, Горватскей, Босни и Герцеґовини, Чарней Гори, Македониї и Албаниї на медзинародних проєктох то єден зоз значнєйших цильох Конференциї. За штири днї, кельо будзе тирвац, заплановани 24 активносци, як цо то панел-дискусиї, роботнї и округли столи.
Проєкт реализує Европски рух у Новим Садзе, а до ньго буду уключени и явни особи зоз Сербиї и сушедних жемох. О запланованих темох младим буду бешедовац новинаре Ґоран Милич, Юґослав Чосич, Драґолюб Дража Петрович, Анте Томич, политичаре Стєпан Месич и Петар Балаж, амбасадоре Ивана Хлавсова и Атила Пинтер, писатель Милєнко Єрґович и други.
За вецей информациї мож писац на е-адресу: epus.novisad@gmail.com