КУЛА – Општину Кула вчера, 1. децембра, нащивели член Совиту за национални меншини Городского одбору Сербскей напредней странки (СНС) Нови Сад Миломир Шайтош и член Општинского одбору СНС Кула Владимир Олеяр, обидвоме и члени Националного совиту Руснацох, дзе бешедовали з предсидательом Општини Драґаном Трифуновичом и його заменїком Велибором Милоїчичом.
Як Рутенпрес поинформовал Шайтош, у длугшей, отвореней и конструктивней розгварки з чолнїками Општини Кула вичерани информациї о актуелних подїйох вязаних за стан у Сербиї з фокусу националних меншинох, з окремену увагу на стан у рускей националней заєднїци, насампредз у кулскей општини.
Шайтош и Олеяр найузше руководство Општини поинформовали о своїм видзеню стану при Руснацох у шицких аспектох, як и о роботи Националного совиту Руснацох, чийо шедзиско праве на териториї тей општини.
Тиж так, вимагали и потримовку за акциї и проєкти дзепоєдних орґанизацийох нєвладового сектору.