ДЮРДЬОВ – Вчера, 6. мая, у дюрдьовскей парохиї Рождества Пресвятей Богородици преславене швето св. Георгия, односно Дзуря. Служба Божа почала на 10 годзин, а служел ю о. Михаил Холошняй.
По Служби, у церковней порти пошвецени снопчки жита, котри за тоту нагоду скошели члени Церковного одбору. Снопчки жита були пошвецени зоз штирох бокох, цо символизує штири боки дюрдьовского хотара.
По пошвецаню жита, присутни парохиянє могли вжац жито зоз снопчкох и однєсц их до своїх обисцох.