ВОЙВОДИНА – Пре Вельку ноц, котра ше по григориянским календаре преслави на нєдзелю 4. априла, школяре у Войводини нєшка и на пондзелок нє буду мац наставу у своїх школох.
Концом априла, односно на Вельки пияток по юлиянским календаре, почнє ярнї розпуст котри будзе тирвац по нєдзелю, 9. май, а перши наставни дзень будзе на пондзелок, 10. мая.
Тоти вименки у школским календаре принєсол Покраїнски секретарият за образованє, предписаня, управу и национални меншини-национални заєднїци.