РУСКИ КЕРЕСТУР – Школяре штреднєй школи Петро Кузмяк, напряму Туристично-готелиєрски технїчар и ґимназиї участвовали у медзинародним змаганю зоз математики Кенґур без гранїцох, у катеґорийох котрим припадаю К2 и К3.
Школяре мали нагоду превериц свойо обще знанє зоз математики зоз ришованьом рижних задаткох дзе требало хасновац лоґичне и комбинаторне роздумованє, розуменє текстуалних часцох и применьованя уж здобутих знаньох.
Змаганє Кенґур без гранїцох орґанизує Дружтво математичарох Сербиї, отримує ше у вецей як 90 державох, шицки учашнїки доставаю исти задатки котри ше ришую у матичней школи, а у Сербиї є отримане 17. марца.
После обявйованє резултатох, найлєпши буду участвовац у финалним змаганю на Сербскей олимпияди Кенґур без гранїцох.