КОЦУР – У просторийох младежского Здруженя КУМ у Коцуре на ютре, 17. децембра, будзе едукативно-забавни вечар, на хторим у першей часци програми волонтерки з нєвладовей орґанизациї „Балкан Идеа” Соня и Аня Гудаково зоз школярами висших класох ОШ „Братство єдинство” отримаю роботню о борби процив сайбер-насилства. Роботня почина на 17,30 годзин, а поволани и шицки заинтересовани котри сцу вецей дознац о защити на интернету.
У другей, забавней часци, котра почнє на 18,30 годзин, будзе отримана промоция младежскей радио-емисиї по руски РТВ „Останьце нашмеяни” з Двома Санями.
З поезию и музику публики ше представя Иґор Пушкаш, Танита Ходак и Михаил Рамач, док Синиша Мали и Стеван Самочета присутних упознаю з проєктами до хторих ше можу уключиц млади Коцурци.