НОВИ САД – Седме число новинох „Руске слово” на Тижньовнїку пише о сходу на тему о положеню националних меншинох, хтори отримани прешлого тижня у Палати Сербия на инициятиву Министерства за людски и меншински права и дружтвени диялоґ, а на рубрики Нашо места мож пречитац же Центер за младих општини Жабель означел першу рочнїцу роботи.
На бокох Економиї зазначени 25. Медзинародни саям вина у Темерину, док на Култури и просвити мож пречитац о успишней кухарскей роботнї з наймладшима, хтора отримана у КПД „Карпати” у Вербаше, як и о пременкох у покладаню малей матури.
На бокох Людзе, роки, живот стретнуце зоз дохторку Златану Надь з Руского Керестура, док Духовни живот приноши напис о тим як означене швето Лурдескей Мариї у Руским Керестуре.
На Спорту мож пречитац о приятельским стретнуцу ФК „Русин” и треце предлуженє фельтону Златни ювилей Фодбалского клубу „Русин”.
И у тим чишлє рубрика Горуци тепши, а як додатки вишли Руске словечко и Дом и фамелия.