РУСКИ КЕРЕСТУР – Закончена самоинициятивна акция вирних у котрей ше зберало помоц за пострадалих од трешеня жеми у Турскей и Сириї. Назберани средства послати до Алепу, у тим месце иснує и Грекокатолїцка и Латинска Церква.
Вельораз ше гутори же любов без дїлох лєм слово. Кед любов вирних нє провадзи и їх дїла вец нєт правей любови медзи нїма. А же медзи вирнима єст любови, доказали вирни парохиї св. оца Миколая котри самоинициятивно почали зберац пенєж за пострадалих. Назберало ше 100 тисячи динари, а до городу Алеп послате вкупно 900 еври.
Того тижня, пред шветом Воскресеня Христового уж традицийно збера ше помоц за особи у потреби, же би ше им обезпечело пасхални полудзенок. Пенєжну помоц мож принєсц на парохию през тидзень, а помоц у поживи до Каритасу на Вельку Соботу од 13–14 годзин. После пошвецаня пасхалного полудзенку, волонтере Каритасу подзеля го людзом у потреби.