НОВИ САД – У Матици сербскей отворена вистава „Оцисок за два вики Лїтописа”, хтору обдумал и по проєкту реализовал др Данило Вуксанович. На вистави виложена и ґрафика подобового уметнїка Влади Нярадия зоз Вербасу.
На дзень народзеня велькей добротворки Мариї Трандафил, Матица сербска, 25. децембра у Шветочней сали означела Дзень добротворох. З тей нагоди отворена и вистава „Оцисок за два вики Лїтописа”, хтору отворел помоцнїк управнїка Ґалериї Матици сербскей др Данило Вуксанович.
Автор проєкта, хтори наволани як и вистава, др Данило Вуксанович послал уметнїком факсимили ґрафичних ришеньох давних, алє и терашнїх числох Лїтописа и на тих основох вони витворели нови оциски у рижних ґрафичних технїкох.
На вистави участвовали 14 еминентни подобово творителє, а медзи нїма и Владо Няради зоз Вербасу. Вони послали дзешец прикладнїки своїх ґрафичних оцискох з чого направени 9 мапи хтори буду по три прикладнїки придати на тирваце чуванє Матици сербскей, Библиотеки Матици сербскей и Ґалериї Матици сербскей, а дзешати прикладнїк каждого уметнїка урамиковани и будзе ше хасновац за явне викладанє у просторийох Матици сербскей.
На вистави участвовали: Ґоран Кнежевич, Снежана Петрович, Єлена Среданович, Милан Иґнятович, Александар Лека Младенович, Вида Стефанович, Зоран Тодович, Саяка Кавамура, Саня Жиґич, Никола Илич, Вишня Николич, Владо Няради, Уґлєша Цолич и Данило Вуксанович.
Вистава у Матици сербскей отвворена по 25. април 2025. року.
