РУСКИ КЕРЕСТУР – На нєдзелю, 22. юния, на керестурским гиподроме буду отримани дринґацки обегованя коньох у орґанизациї Конїцкого клубу „Русин”, а змаганє почнє на 15:30 годзин.
Того року по програми буду шейсц обеговацки точки, у медзипрограми обчекує ше и парадни запраги, а добрей атмосфери, як наявюю орґанизаторе, допринєшу и смачни варени єдла у котлох.
Змаганє финансийно потримаю – Конїцки клуб „Русин”, Општина Кула, „Dream catcher dooˮ зоз Зомбору, Месна заєднїца Руски Керестур, як и рижни привреднїки з валалу.