БЕОҐРАД – Министерство защити животного стредку порушало поступок защити Специялного резервату природи „Босутски лєси”, зоз чим ше обезпечи очуванє екосистемского диверзитета на тим подручу, обявене на сайту министерства.
Министерка Сара Павков наглашела же тот резерват, хтори на териториї подручох Сримскей Митровици и Шида забера поверхносц од 17.618,14 гектари, представя нєпрецинїве благо чийо очуванє ма виталну значносц за нашу жем.
По словох министерки Павков биодиверзитет у СРП „Босутски лєси” сполнює условиє же би бул преглашени за защицене подруче першей катеґориї, як защицене подруче медзинородного, националного, односно окремного значеня.