ПЕТРОВЦИ (ГОРВАТСКА) – Внєдзелю, 14. децембра, на 18 годзин у центру валала отримана треца преслава Адвенту у Петровцох. У програми участвовали школяре ОШ Антуна Бауера ПШ Петровци хтори уча руски и українски язик, Дружтво Руснак, КУД Яким Гарди, обидва зоз Петровцох и українске УКПД Иван Франко Вуковар.
Шицки учашнїки ше представели зоз колядами и винчованками хтори славя Исусово народзенє. Пришли людзе з валалу подружиц ше и побешедовац у крачунским розположеню. Орґанизатор за нащивительох порихтал цепли напой чай и варене вино, а од єдзеня були пампушки, кифли зоз колбасу, а бул уварени и фиш – рибов паприґаш на котлїку.
Преславу Адвенту орґанизовала МЗ Петровци и Општина Боґдановци.
