ДЮРДЬОВ – Тогорочне Медзиокружне змаганє з руского язика и язичней култури будзе отримане на соботу, 18. априла, а Републичне змаганє будзе 23. мая у Основней школи Йован Йованович Змай у Дюрдьове, Општина Жабель, Школска управа Нови Сад.
На змаганю, тести буду ришовац школяре основних школох хтори маю порядну наставу по руски, як и школяре зоз основних школох у хторих ше учи руски язик зоз елементами националней култури як виборни предмет.
Змаганє орґанизую Министерство просвити Републики Сербиї, Дружтво за руски язик, литературу и културу и ОШ Йован Йованович Змай зоз Дюрдьова.