ШИД – У Церкви Преображеня Господнього у Шидзе нєшка, 1. мая, на 17 годзин будзе Свята Споведз як и каждого першого пиятку у мешацу, потим парох о. Михайло Режак будзе служиц Службу Божу, а вец будзе служени и Молебен до Пречистей Дїви Мариї.
Молебени у Шидзе як и каждого року буду служени през цали тидзень и то роботни дзень и соботу на 17 годзин, а нєдзелю по порядней Служби Божей.
Майово молебени буду служени и у Церкви Успеня Пресвятей Богородици у Бикичу и як нам гварел парох о. Владимир Еделински Миколка, молебени буду служени вовторками, штвартками и соботами на 18:30 минути.
Молебени до Пречистей Дїви Мариї буду служени и у Церкви святого апостола и евангелисти Луки у Бачинцох и буду служени нєдзелями.