РУСКИ КЕРЕСТУР – У основней и штреднєй школи зоз домом школярох Петро Кузмяк за школяра ґенерациї основней школи, у тим школским року, вибрани Никола Петкович.
З тей нагоди, у цалосци преношиме винчованку и текст о Николових успихох хтори керестурска школа обявела на своїм урядовим Фейсбук боку.
„Никола Петкович достал Вукову диплому, диплому Доситей Обрадович зоз руского язика, анґлийского язика, сербского язика, историї, хемиї, биолоґиї, а похвалює ше го зоз нємецкого язика, математики, музичней култури и зоз физики.
Никола Петкович школяр котри зоз свою роботу, знаньом, одвичательносцу и одношеньом ґу другим охабел окремни шлїд у нашей школи.
Титула школяра ґенерациї нє лєм припознанє за одлични оцени. Вона представя спой вредней роботи, витирвалосци, пошвеценосци и порихтаносци посцигнуц максимум. Никола указал же ше успих нє посцигує случайно, алє зоз каждодньовим намаганьом, дисциплину и виру до власних можлївосцох.
През школованє шє визначел нє лєм у школских активносцох, алє и на змаганьох, школских проєктох и дружтвеним живоце школи. Зоз своїм прикладом мотивовал парнякох же би були лєпши, а зоз своїм справованьом здобул почитованє наставнїкох и приятельох.
Поза каждого успиху стоя числени годзини роботи, одреканя и упартосц, прето тото припознанє представя коруну єдного важного животного периоду и потвердзенє же ше намаганє вше виплаци.ˮ