РУСКИ КЕРЕСТУР – Фодбалски клуб Русин орґанизує лєтни Ноцни турнир у малим фодбалу, хтори почнє 5. юлия, а будзе ше бавиц на терену у Старей школи.
На тогорочним турниру будзе ше бавиц у двох катеґорийох – сениоре и ветеранє.
Обидва катеґориї, сениоре и ветеранє (35+) буду бавиц по системи 5+1, а у екипи можу буц приявени найвецей 10 бавяче. Котизация за сениорох 12 тисячи динари, док за ветеранох 6 тисячи динари.
Наградни фонд лєтного ноцного турнира за сениорох розподзелєни так: побиднїк турнира достанє 180 тисячи динари, другопласовани 60 тисячи динари, а трецопласована екипа освої 30 тисячи динари.
Кед слово о ветеранох (35+), побиднїк турнира достанє 50% од котизацийох, другопласовани 30% од котизацийох, а трецoпласована екипа достанє 20% од котизацийох.
Шицки информациї мож достац на числа телефонох: 065/512-01-38 – Желько Орос и 066/416-167 – Денис Гарди.
Орґанизатор Ноцного турнира у малим фодбалу ФК Русин.