КАНАДА/МЕКСИКО/ЗАД – Шветове першенство у фодбалу хторе почало ище 11. юния, закончело ше внєдзелю, 19 юлия, кед одбавене фельке финалне стретнуце, медзи Шпанию и Арґентину на стадиону Метлайф у Зєдинєних Америцких Державох.
Резултати полуфиналних стретнуцох: Французка – Шпания – 0:2; Aнґлия – Арґентина – 1:2.
3. место: Французка – Aнґлия – 4:6.
Финале: Шпания – Арґентина – 1:0 (после предлуженьох). Побиднїцки ґол дал Феран Торес у 106. минути.
Репрезентация Шпаниї, од початку по конєц Мундияла достала лєм єден ґол.
За найлєпшого младого бавяча преглашени Пау Кубарси зоз репрезентациї Шпаниї, найлєпши ґолман бул Унаи Симон, тиж зоз репрезентациї Шпаниї, а и титула найлєпшого бавяча (МВП), пошла шпанскому бавячови Родрийови. Найлєпши стрилєц Мундияла бул Килиян Мбапе хтори дал 10 ґоли.
Найлєпши стрилєц Мундияла то Ембапе (Французка) хтори дал 10 ґоли, потим Меси (Арґентина) хтори дал 8 ґоли, Белинґем (Aнґлия) и Халанд (Норвежска) дали по 7 ґоли, док Дембеле О. (Французка) и Кейн (Aнґлия) дали по 6 ґоли.
Капитен репрезентациї зоз Арґентини Лионел Меси, одбавел 34. стретнуце на Шветових першенствох, та так постал лєм други фодбалер у историї, после Бразилца Кафуа, хтори наступел на трох финалних стретнуцох.
Французки репрезентативец Майкл Олисе, постал найлєпши асистент у историї, понеже на єдним Шветовим першенству зазначел седем додаваня. Зоз тим звалєл рекорд хтори бул стари 56 роки, а тримал го леґендарни фодбалер Пеле зоз шейсц асистенциями.
Першираз у историї финалох на Мундиялох, на полчасу бул отримани музични спектакл. Спортско-музични спектакл провадзело вецей як 80 тисячи навиячох, медзи хторима були и велї познати.
На Шветовим першенству першираз направени 30 персценї хтори направени од 18 – каратного злата, диямантох и сафирох, хтори резервовани лєм за фодбалерох и представнїкох нового Шветового шампиона. На нїх буду уґравирани мена побиднїкох, а як преценєте, цена єдного персценя од 30 до 50 тисячи америцки долари.