РУСКИ КЕРЕСТУР – Тогорочни традицийни, уж 7. Ноцни турнир у малим фодбалу 3 на 3 у Руским Керестуре почнє на стреду, 29. юлия, як и по тераз, будзе ше бавиц на терену у Старей школи.
Вицагованє екипох будзе отримане на вовторок, 28. юлия перше ше будзе бавиц по ґрупох, а потим будзе и нокаут фаза.
У екипи найвецей можу буц приявени 6 бавяче, док котизация виноши 6 тисячи динари.
Наградни фонд Ноцного турнира у малим фодбалу 3 на 3 розпоредзени на шлїдуюци способ: попри медальох и погарох, побиднїк турнира освої 50 тисячи динари, другопласовани освої 20 тисячи динари, док трецепласована екипа освої 6 тисячи динари. Тиж буду награди за найлєпшого бавяча и стрильца турнира.
Шицки информациї мож достац на числа телефонох: 065/33-73-006 Янко Хома и 065/51-19-779 Иван Чапко, хтори и орґанизаторе того Турниру .