ВЕРБАС – У Грекокатолїцкей церкви святого Владимира Велького у Новим Вербаше на нєдзелю, 26. юлия, будзе означне храмове швето – Кирбай.
Архиєрска Служба Божа будзе отримана на 11 годзин, а предводзиц ю будзе преосвящени владика Георгий Джуджар, зоз сослуженьом священства.
Домашнї поволали вирних и госцох же би пришли з нїма вєдно преславиц тото вельке швето за нововербаску парохию.