ВЕРБАС – Перша тогорочна трибина у орґанизациї Збору гражданох Вербасу отримана всоботу вечар, 8. авґуста у центру городу. Госц на трибини, у бешеди зоз орґанизаторами и гражданами, бул ректор Универзитету у Беоґраду проф. др Владан Дьокич.
Вецей стотки присутних ректора Дьокича привитали зоз гласним аплаузом, а потим шлїдзели привитни слова орґанизаторох и бешеда о актуалней политичней ситуациї у держави.
Тема трибини були и виберанки, студентски рух, а дорушена и тема новей акциї студентох под назву Сербия або мафия? чий початок уж наявени. Як визначене з тей нагоди, слово о гражданских и студентских подїйох котри буду пошвецени питаньом безпечносци, владавини правох и одвичательносци институцийох.
По словох ректора Дьокича того вечара, шицки предложени кандидати на студентскей лїстини буду сотрудзовац зоз фаховцами, а як додал, власци ше нє поспишело звалїц довириє до високого образованя у Сербиї.
На спомнутей трибини присутни ше оглядли и на подїю котра ше збула 12. авґуста прешлого року, кед пришло до зраженя медзи присутнима котри були на протесту на Площи Николи Пашича и гражданами котри потримую власц, а котри ше находзели опрез просторийох Сербскей напредней странки.
Ректор Дьокич гварел же отримана трибина нагода же би ше упознал зоз гражданами Вербасу, же би им дал потримовку и подзековал на борби котру уж рок и пол водза, жадаюци пременки. Заключене же сотруднїцтво Збору гражданох Вербасу и студентского руху у тим городзе важне повязованє и за дальши политични орґанизованя.
