НОВИ САД – У Конкaтедралней церкви святих апостолох Петра и Павла стреду, 19. авґуста преславене заповедане швето Преображенє Господнє.
У раншей Служби Божей, хтору служел парох о. Дарко Рац у своєй казанї потолковал значенє того швета, кед ше Исус преображел пред трома апостолами: Петром, Яковом и Йоаном, на гори Тавор и цо воно представя нєшкайшим вирним. На служби апостол читал и дзияковал Александар Саванович, а вислуговал Милош Суботич.
По законченю раншей служби пошвецене грозно и друга овоц, зоз чим ше подзековало на новим урожаю и дарох природи.
