БЕОҐРАД – Внєдзелю 27. септембра, на 20 годзин на конференциї за медиї котра була отримана у Предсидательстве, Александар Вучич обявел задзекованє на функцию предсидателя Републики Сербиї, а такой ютредзень урядово придал длужносц Ани Брнабич котра будзе окончователька длужносци на тей функциї покля ше нє отримаю и виберанки за предсидателя Републики.
Ана Брнабич тераз источашнє и предсидателька Народней скупштини у технїчним мандату, и о. д. предсидательки Републики Сербиї. Праве Брнабичова ма обовязку розписац и виберанки за предсидателя Републики, котри би мали буц отримани найскорей о 30 днї, а найпознєйше о 90 днї од дня як задзекованє сцигнє до Народней скупштини, тераз у технїчним мандату.
З оглядом же задзекованє предсидателя Републики пришло у чаше предвиберанковей кампанї за парламентарни виберанки котри буду отримани 25. октобра, Брнабичова будзе мац и овласценє же би предложела нового мандатара Влади Републики Сербиї.